समाज कल्याण परिषदका पदाधिकारीले दिए सामुहिक राजीनामा
काठमाडौं, ८ असोज । समाज कल्याण परिषद्को वर्तमान पदाधिकारीहरूले सामुहिक राजीनामा दिएका छन् । परिषदका पदाधिकारीहरुले बिहीबार नै प्रधानमन्त्री शेरबहादुर देउवालाई राजीनामा बुझाएका छन् ।
परिवर्तित परिस्थितिमा सामुहिक राजीनामा दिइएको परिषदका सदस्य सचिव पुष्कर खातीले जानकारी दिएका छन् । राजीनामा दिएको विषयमा र आफूहरुले गरेका कामको विषयमा जानकारी दिन परिषदको कार्यालयमा आज पत्रकार सम्मेलन समेत आयोजना गरिएको खातीले बताए ।