एमाले केन्द्रीय कमिटी बैठक : तीन प्रस्तावमाथि छलफल गर्न बनाइयो १० समूह
काठमाडौं, ८ असोज । नेकपा एमालेको केन्द्रीय कमिटी बैठकमा विधान महाधिवेशनमा राजनीतिक प्रतिवेदन, सांगठनीक प्रतिवेदन र विधान संशोधनको प्रस्ताव प्रस्तुत भएको छ ।
शुक्रबार च्यासलस्थित तुल्सीलाल प्रतिष्ठानमा बसेको बैठकमा यी तीन प्रतिवेदन प्रस्तुत् गरिएको हो । उक्त प्रस्तावमाथि छलफलका लागि १० वटा समूह छुट्याइएको केन्द्रीय सदस्य विष्णु रिजालले जानकारी दिए । बैठक भोलि बिहान ११ बजे पनि बस्ने छ । भोलिको बैठकमा समूहगत छलफलको सुझावलाई प्रस्तुत गरिने छ । एमालेले असोज १५–१७ का लागि बोलाएको विधान महाधिवेशनको तयारी गरिरहेको छ ।
