पीएजसीको अपराजित यात्रा कायमै
काठमाडौं, १० असोज । पेरिस सेन्ट जर्मेन (पीएसजी) ले फ्रेन्च लिग वान फुटबलमा अपराजित यात्रा कायम गरेको छ । उपाधि दावेदार पीएसजी आठ खेलसम्म अपाराजित यात्रालाई कायम गरेको हो ।
शनिबार राति भएको खेलमा पीएसजीले मोप्लिएरलाई २–० गोल अन्तरले पराजित गर्यो । घरेलु मैदानमा जित दिलाउन इद्रिसा गुइएले खेलको १४ औैं मिनेटमा गोल गर्दै पीएसजीलाई अग्रता दिलाए । ८८औं मिनेटमा जुलियनले गोल गर्दै पीएसजीलाई २–० को जित दिलाए ।
जितसँगै पीएसजीले ८ खेलबाट २४ अंक जोडेको छ । पीएसजी शीर्ष स्थानमा छ । लिगमा समान खेल खेलेको मोप्लिएर ९ अंक जोडेर ११ औं स्थानमा छ ।