‘कालोधन’ लाई प्रश्रय दिने प्रतिस्थापन विधेयक फिर्ता लिन एमालेको माग


१० आश्विन २०७८, आईतवार
yogesh bhattarai F99rSqN1i2

काठमाडौं, १० असोज । प्रमुख प्रतिपक्षी दल नेकपा (एमाले) ले सरकारसँग आर्थिक प्रतिस्थापन विधेयक फिर्ता लिन माग गरेको छ ।
ललितपुरको तुल्सीलाल स्मृति प्रतिष्ठानमा तीन दिनदेखि भएको केन्द्रीय कमिटी बैठकले संसदमा प्रतिपक्ष दलका महत्वपूर्ण कुरा उठाइरहेको बेला सरकारले आर्थिक विधेयक ल्याउने काम गरेकोले फिर्ता गर्न माग गरेको एमाले प्रचार विभाग प्रमुख योगेश भट्टराईले जानकारी दिए ।

‘सरकारले हाम्रो विरोधका बाबजुद पनि विधेयक ल्याएको छ । हाम्रो त्यसमा सहमति छैन,’ उनले भने ‘यो देशको राष्ट्रिय कानूनको विरुद्ध हुने र नेपालले अन्तर्राष्ट्रिय सन्धि सम्झौता र अनुबन्धित विपरीत रहेको छ ।’

उनले प्रतिस्थापन विधेयकका कारण अन्तर्राष्ट्रिय समुदायले नेपाललाई कालोसूचीमा राख्न सक्ने समेत बताए । ‘नेपालमा स्रोत नखुलेको सम्पत्तिलाई खुला गर्ने जुन विधि प्रतिस्थापन विधेयकमा ल्याइएको छ । त्यसमा हाम्रो घोर आपत्ति रहेको छ,’ उनले भने, ‘कालोधनलाई प्रश्रय र वास्तविक लगानीकर्ता निरुत्साहित हुने सम्भावना बढाउँछ ।’

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७