पूर्ण समानुपातिक निर्वाचन प्रणालीमा जाऔं : जनार्दन शर्मा
काठमाडौं, १२, असोज । अर्थमन्त्री जनार्दन शर्माले निर्वाचन प्रणाली नै त्रुटीपूर्ण रहेको भन्दै पूर्ण समानुपातिक निर्वाचन प्रणालीमा जानुपर्ने बताएका छन् ।
कोटेश्वरको पेरिसडाँडास्थित माओवादी पार्टी कार्यालयमा आज (मंगलबार) आयोजित माओवादी निकट दलित मुक्ति मोर्चाको वैठकलाई सम्बोधन गर्दै उनले पूर्ण समानुपातिक निर्वाचन प्रणालीबाट मात्र सीमान्तकृत समुदाय नीति निर्माणको तहमा पुग्नसक्ने दाबी गरे ।
माओवादी केन्द्रको स्थायी समिति सदस्य समेत रहेका शर्माले पार्टी र जनवर्गीय संगठनका हरेक इकाईलाई उत्पादन इकाईको रुपमा बदल्नु पर्ने पनि बताए ।
