सभामुखद्वारा बजेटसम्बन्धी दुई विधेयक प्रमाणीकरण
काठमाडौं, १२, असोज । संघीय प्रतिनिधिसभाका सभामुख अग्निप्रसाद सापकोटाले बजेटसम्बन्धी दुई विधेयक प्रमाणीकरण गरेका छन् ।
सभामुख सापकोटाले नेपालको संविधानको धारा १११ बमोजिम संघीय संसदका दुवै सदनबाट पारित भएका आर्थिक विधेयक, २०७८ र राष्ट्र ऋण उठाउने विधेयक, २०७८ मंगलबार प्रमाणीकरण गरेको संसद् सचिवालयले जनाएको छ ।
सभामुखद्वारा प्रमाणित विधेयकहरु संविधानको धारा ११३ (१) बमोजिम प्रमाणीकरणका लागि राष्ट्रपतिको कार्यालयमा पठाइने छ । बजेटसम्बन्धी तीनमध्ये विनियोजन विधेयक यसअघि नै प्रमाणीकरण भइसकेको छ ।
