.gif)
 (1).png){kind=logo}
.png)
संसदमा एमाले अवरोधैबीच महालेखा परीक्षकको प्रतिवेदन पेस, १९ असोजसम्म वैठक स्थगित
काठमाडौं, १४ असोज । प्रमुख प्रतिपक्ष दल नेकपा एमालेले प्रतिनिधिसभा बैठकमा अवरोध कायम राखेको छ । प्रतिनिधिसभाको आज (बिहीबार) बसेको बैठकमा सभामुख अग्निप्रसाद सापकोटाले बैठक शुरु गर्नासाथ प्रमुख प्रतिपक्षी दल एमालेले नारावाजी गर्दै बेल घेराउ गरी अवरोध गरेको हो ।
एमालेले पार्टीले १४ सांसदलाई गरेको कारबाहीको सूचना संसदमा टाँस नगरेको भन्दै सभामुखसँग आक्रोशित हुँदै आइरहेको छ । सभामुख सापकोटाले भने एमालेको अवरोधकैबीचमा राजनीतिक दलसम्बन्धी अध्यादेश सरकारले खारेज गरेको तथा आर्थिक विधेयक र राष्ट्र ऋण उठाउने विधेयक प्रमाणित गरेको सूचना पढेर सुनाएका थिए ।
यस्तै, प्रधानमन्त्री शेरबहादुर देउवाका तर्फबाट कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले महालेखापरीक्षकको प्रतिवेदन संसदमा पेस गरेका थिए । एमाले सांसदको नाराबाजी जारी रहेपछि यही असोज १९ गते दिउँसो १ बजेसम्मका लागि सभामुख सापकोटाले बैठक स्थगित गरेका छन् । त्यसपछि सभामुख सापकोटाले १९ असोज दिउँसो १ बजेसम्मका लागि बैठक स्थगित गरेका छन् ।
