वृद्धामाथि जबरजस्ती करणी आरोपमा युवक पक्राउ
उदयपुर, १६ असोज । जंगलमा वृद्धामाथि जबरजस्ती करणी गरेको आरोपमा उदयपुरका एक युवा पक्राउ परेका छन् । बिहीबार साँझ ६ बजेको समयमा जिल्लाको चौदण्डीगढी नगरपालिका–५ द्वारखोला जंगलमा ५९ वर्षीया वृद्धामाथि जबरजस्ती करणी गरेको आरोपमा सोही ठाउँका ३० वर्षीय मुकेश विक पक्राउ परेका हुन् ।
जंगलमा घाँस काट्न गएको मौका पारी वृद्धामाथि जबरजस्ती गरेको भन्दै इलाका प्रहरी कार्यालय बेलटारमा शुक्रबार जाहेरी परे अनुसार खटेको टोलीले विकलाई नियन्त्रणमा लिइएको जिल्ला प्रहरी कार्यालय उदयपुरले जनाएको छ । उनलाई इप्रका बेलटाकै हिरासतमा राखेर अनुसन्धान सुरु भएको छ ।
जिल्ला प्रहरी प्रवक्ता डिएसपी बेदप्रसाद गौतमका अनुसार विकमाथि जिल्ला अदालतबाट म्याद लिएर जबरजस्ती करणी ऐन अनुसार कारबाही प्रक्रिया अघि बढाइएको छ ।