मन्त्री छान्न रामचन्द्र पौडेलले बोलाए आफू निकट नेतालाई
काठमाडौं, २० असोज । नेपाली कांग्रेसका वरिष्ठ नेता रामचन्द्र पौडेलले सरकारमा सहभागी हुने मन्त्रीका विषयमा सल्लाह गर्न आफू निकट नेताहरुलाई बोलाएका छन् । मन्त्री छनौटका लागि छलफल गर्न उनले निजी निवास बोहराटारमा नेताहरुलाई बोलाएका हुन् ।
नेताहरुसँगको बैठक दिउँसो २ बजे बस्ने बताइएको छ । पौडेल समूहले आफ्नो भागमा परेका दुई मन्त्रालयका लागि मन्त्री छान्ने तयारी गरेको छ । पौडेल पक्षबाट डा. मिनेन्द्र रिजाल, सुजाता कोइराला, दिलेन्द्रप्रसाद बडू, तेजुलाल चौधरीमध्ये दुई मन्त्री हुने सम्भावना छ ।
