प्रधानमन्त्रीले दिए नेपाली फुटबल टोलीलाई बधाई


प्रकाशित मिति : October 14, 2021

काठमाडौं, २८ असोज । प्रधानमन्त्री शेरबहादुर देउवाले साफ च्याम्पियनसिपको फाइनलमा पुगेको नेपाली फुटबल टिमलाई बधाई दिएका छन् ।

बुधबार भएको खेलमा बंगलादेशलाई बराबरीमा रोक्दै नेपाल पहिलो पटक साफ च्याम्पियनसीपको फाइनलमा पुगेपछि प्रधानमन्त्री देउवाले सामाजिक सञ्जालमार्फत बधाई ज्ञापन गरेका हुन् ।

बुधबार साँझ प्रधानमन्त्री देउवाले सामाजिक सञ्जाल ट्वीटमार्फत नेपाली टिमलाई बधाई दिएका हुन् । उनले आगामी खेलका लागि शुभेच्छासहित नेपाली टिमलाई प्रोत्साहन पनि गरेका छन् ।

‘साफ फुटबल प्रतियोगिताको फाइनलमा पुगेको नेपाली फुटबल टोलीका सम्पूर्ण खेलाडी, प्रशिक्षक तथा अफिसियलहरूलाई बधाई तथा आगामी खेलको लागि शुभेच्छासहित प्रोत्साहन दिन चाहन्छु,’ प्रधानमन्त्री देउवाले ट्वीट गर्दै भनेका छन् ।

प्रतिक्रिया दिनुहोस्