७७७ ले जिते कोरोना, २७२ नयाँ थपिए, आठको मृत्यु
काठमाडौं, २९ असोज । नेपालमा पछिल्लो २४ घण्टामा कोरोना संक्रमण (कोभिड–१९) बाट थप ८ जनाको मृत्यु भएको छ । योसहित नेपालमा कोरोनाबाट मृत्यु हुनेको संख्या ११ हजार २७७ पुगेको छ । यस्तै पछिल्लो २४ घण्टामा २७२ जनामा कोरोना संक्रमण पुष्टि भएको छ ।
४,७१२ नमूनाको परीक्षण गराउँदा सो संख्यामा संक्रमण देखिएको स्वास्थ्य तथा जनसंख्या मन्त्रालयले जनाएको छ । जसमध्ये २,०९२ नमूनाको पीसीआर र २,६२० नमूनाको एन्टिजेन विधिबाट परीक्षण भएको थियो ।
यस्तै, शुक्रबार थप ७७७ जना कोरोनामुक्त भएका छन् । मन्त्रालयका अनुसार हाल कोरोनाका सक्रिय संक्रमितको संख्या १३ हजार ३०८ छ । जसमध्ये ३०७ जनाको आइसीयूमा र १०१ जनाको भेन्टिलेटरमा उपचार भइरहेको मन्त्रालयले जनाएको छ ।
