इन्डोनेशियामा भूकम्प : तीनको मृत्यु, सात जना घाइते
काठमाडौं, ३१ असोज । इन्डोनेशियामा पटक–पटक गरी आएको भूकम्पमा तीन जनाको मृत्यु भएको छ भने सात जना घाइते भएका छन् । भूकम्प पछि आएको पहिरोका कारण उनीहरुको मृत्यु भएको बताइएको छ ।
बाली दीप केन्द्रबिन्दु भई ४ दशमलव ८ म्याग्नेच्युटको भूकम्प गएको केहीबेरमै ४ दशमलव ३ म्याग्नेच्युटको अर्को भूकम्प गएको अमेरिकी भूगर्भीय सर्वेक्षणले जनाएको छ ।
भूकम्पका कारण दर्जनौ घरहरु भत्कनुका साथै कयौं सवारीसाधनमा क्षति पुगेको छ । रातको समयमा आएको भूकम्पका बीच सर्वसाधारणमा भागदौड मच्चिएको थियो । यसअघि गत जनवरीमा ६ दशमलव २ रेक्टर स्केलको भूकम्प जाँदा १०५ जनाको मृत्यु भएको थियो । जसमा ६५ सय जना घाइते भएका थिए ।