रुखमा मोटरसाइकल ठोक्किँदा दुईको मृत्यु, एक घाइते
धनुषा, ३१ असोज । धनुषामा तीन जना सवार मोटरसाइकल अनियन्त्रित भई रुखमा ठोक्किँदा दुई युवकको ज्यान गएको छ भने एक जना घाइते भएका छन् ।
तीव्र गतिमा रहेको बा.४८.प ५५२२ नम्बरको मोटरसाइकल दुर्घटना हुँदा धनुषाको गणेशमान चारनाथ नगरपालिका–१ बस्ने २७ वर्षीय दीपलाल महरा र २१ वर्षीय हरिचन महराको मृत्यु भएको हो । लालबाबु पासवान गम्भीर घाइते भएको धनुषा प्रहरीले जनाएको छ ।