१२ घण्टादेखि बेपत्ता १३ वर्षीया बालिकाको शव पोखरीमा फेला
सर्लाही, ३१ असोज । सर्लाहीको बागमतीमा १३ वर्षीया एक बालिकाको शव पोखरीमा फेला परेको छ । शनिबार साँझदेखि बेपत्ता बालिकाको शव आइतबार बिहान घर नजिकैको पोखरीमा फेला परेको प्रहरीले जनाएको छ ।
बागमती नगरपालिका–३, तीनघरेका रामविश्वास यादवकी छोरी १३ वर्षीया सुशीला कुमारीको शव पोखरीमा फेला परेको हो । शनिबार साँझ पोखरीमा नुहाउन गएदेखि उनी बेपत्ता भएकी अभिभावकले बताएका छन् । घटनाको विषयमा थप अनुसन्धान भइरहेको इलाका प्रहरी कार्यालय हरिवनले जनाएको छ ।