जम्मु काश्मिरमा सेना र आतंकवादी समूहबीच मुठभेड, दुई सैनिकसहित नौ जनाको मृत्यु
काठमाडौं, १ कातिक । भारत प्रशाशित प्रदेश जम्मु काश्मिरमा बिगत केही दिनदेखि सेना र आतंकबादी समुहबीचको मुठभेडमा दुई सैनिकसहित ९ जनाको मृत्यु भएको छ ।
कश्मिरबाट सय किलोमिटर टाढा सरनकोटस्थित एक गाउँमा आतंकबादी समूहविरुद्धको कारबाही अभियानका क्रममा दोहोरो मुठभेड भएको हो ।
अभियानको अघिल्लो दिन आतंकवादी समूहले चलाएको गोली लागि पाँच सैनिकको मृत्यु भएको भएपछि उनीहरुविरुद्ध कारबाही तीव्र पारिएको हो ।
गाउँको नजिकै जंगलमा वर्षौदेखि पकड जमाई बसेका आतंकवादी समूहमाथि सेनाले कारबाही गर्दा उनीहरुतर्फ दर्जनौं घाइते भएको बताइएको छ ।