सिटी एक्सप्रेसद्वारा पाँच लखपति विजेता घोषणा
काठमाडौं, ३ कातिक । सिटी एक्सप्रेस मनी ट्रान्सफरले ‘सिटी आयो लखपति बनायो’ योजना अन्तर्गत पहिलो महिनाको पाँच भाग्यशाली विजेता घोषणा गरेको छ ।
विजेतामा जापानबाट रेमिट्यान्स पठाउने अन्जु घले, साउदीबाट यमलाल भुसाल , कुवेतबाट मीन कुमार श्रेष्ठ र जानुका चौलागाई साथै अन्तिममा दुबईबाट रेमिट्यान्स पठाउने उमेश यादव रहेका छन् । उनीहरुले जनही एक लाख जित्न सफल भएको सिटी एक्सप्रेसले जनाएको छ ।
कम्पनीले दशैं, तिहार र छठलाई लक्षित गर्दै ‘सिटी आयो लखपति बनायो’ उपहार योजना गत भदौ ३१ गते घोषणा गरेको थियो । सिटी एक्सप्रेसको यो उपहार योजना अन्तर्गत लक्की ड्रमार्फत ६१ दिनस लगातार हरेक दिन एक जना विजेतालाई १० हजार उपहार प्रदान गरिनका साथै हरेक महिना ५ जनालाई एक–एक लाख गरी २ महिना सम्म १० जना रकम प्रदान गरिने बताइएको छ ।
