प्रधानन्यायाधीशमाथि महाअभियोगबारे छलफल भएको छैन : प्रचण्ड


९ कार्तिक २०७८, मंगलवार
Prachanda 2

चितवन, ९ कात्तिक । सत्तारुढ नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले प्रधानन्यायाधीश चोलेन्द्रशम्शेर जबरामाथि महाअभियोगको विषयमा सत्तारुढ गठन्धनमा छलफल नभएको बताएका छन् ।

चितवनमा आज (मंगलबार) पत्रकारले सोधेको प्रश्नको जवाफ दिँदै उनले महाअभियोगको विषयमा चर्चा र छलफल नै नभएको बताएका हुन् । ‘गठबन्धनमा त्यस्तो छलफल भएको छैन, हिजो मात्र हामी गठबन्धनका तीन पार्टी जुटेका थियौं । तर पाँच वटै पार्टी जुटेर छलफल गर्ने भन्ने भएको छ’ उनले भने ।

पूर्व प्रधानमन्त्री समेत रहेका माओवादी केन्द्रका अध्यक्ष प्रचण्डले न्यायालयको स्वतन्त्रता र गरिमा कतैबाट जाँच नआओस् भन्ने कुरामा सबै सतर्क हुनुपर्ने बताएका छन् । हाल न्यायालयमा देखिएको विवाद एक– दुई दिनभित्रै निष्कर्षमा पुग्ने आशा गरेको पनि प्रचण्डले बताए ।

‘न्यायालयमा जुन डिबेट चलिरहेको छ । एक दुई दिनभित्र निष्कर्षमा पुग्छ भन्ने लाग्छ । तर पनि हामी के कुरामा सतर्क हुनुपर्‍यो भने कार्यपालिका न्यायपालिका, व्यवस्थापिकाले आफ्नो स्वतन्त्रता र गरिमा कायम राख्न बल गर्नैपर्छ’ उनले भने ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७