६ महिनामा खुलेको लाइसेन्सको अनलाइन आवेदन दुई दिनमै बन्द
काठमाडौं, ११ कात्तिक । ६ महिनापछि खुलेको चालक अनुमतिपत्रको अनलाइन आवेदन सेवा दुई दिनमै अवरुद्ध भएको छ । यातायात व्यवस्था विभागले दुई दिनअघि मात्रै नयाँ चालक अनुमतिपत्रका लागि आवेदन खुला गरेको थियो । तर, विभागको सर्भर बिग्रिएकोले अनलाइन आवेदन सेवा अवरुद्ध भएको हो ।
सर्भर बिग्रिएका कारण सेवाग्राहीले अनलाइन फारम भर्न सकेका छैनन् । विभागले भने सर्भरमा समस्या भएकाले मर्मतको काम भइरहेको बताएको छ । विभागका प्रवक्ता लोकनाथ भुसालले प्राविधिक समस्याले सर्भर बिगिएको बताए ।
उनले भने, ‘दुई दिनअघि फारम खुलेको थियो, कैयौंले आवेदन दिइसकेका छन्, अहिले सर्भरमा समस्या भएकोले अनलाइनबाट आवेदन बन्द भएको छ ।’
