४४० मा कोरोना संक्रमण, ६ जनाको मृत्यु
काठमाडौं, २४ कात्तिक । नेपालमा पछिल्लो २४ घण्टामा ४४० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको ६,८१४ जनाको पिसिआर र एन्टीजेन परीक्षणमा ४४० जनामा संक्रमण पुष्टि भएको हो ।
स्वास्थ्य मन्त्रालयका अनुसार ५,४०७ जनाको पिअिसार परीक्षण गर्दा ३८७ र १,४०७ जनाको एन्टीजेन परीक्षण गर्दा ५३ जनामा संक्रमण पुष्टि भएको हो ।
आज देशभर ४७४ संक्रमित निको भई डिस्चार्ज भएका छन् । पछिल्लो २४ घण्टामा ६ जना संक्रमितको मृत्यु भएको छ ।
देशभर ७,५१९ जना सक्रिय संक्रमित रहेको स्वास्थ्य मन्त्रालयले जनाएको छ । त्यसैगरी, पछिल्लो २४ घण्टामा १६ हजार ५२९ जनाले कोरोना विरुद्धको खोप लगाएका छन् ।
