ग्वार्कोमा स्कुटर दुर्घटना हुँदा एक युवाको मृत्यु
काठमाडौं, २८ कात्तिक । ललितपुरको ग्वार्कोमा स्कुटर दुर्घटना हुँदा एक युवाको ज्यान गएको छ । घटना गए रातिको हो ।
ग्वार्को इमाडोल सडकखण्डमा पर्ने ग्वार्को चोक नजिक प्रदेश ०२–०२६ प ८१५५ नम्बरको स्कुटर दुर्घटना हुँदा ३७ वर्षीय विनोद बुढाथोकीको मृत्यु भएको महानगरीय ट्राफिक प्रहरी महाशाखाले जनाएको छ ।
बुढाथोकी ललितपुरको लामाटार निवासी हुन् । स्कुटर आफै अनियन्त्रित भएर पल्टिएको हो कि अन्य गाडीले ठक्कर दिँदा दुर्घटना भएको हो अनुसन्धान भइरहेको प्रहरीले जनाएको छ । बुढाथोकीको घटनास्थलमै मृत्यु भएको प्रहरीको भनाई छ ।
