एमालेमा सहमतिका साथ नेतृत्व चयन हुन्छ : ईश्वर पोखरेल
काठमाडौं, १ मंसिर । नेकपा एमालेका महासचिव ईश्वर पोखरेलले दशौं राष्ट्रिय महाधिवेशनबाट नेतृत्व सहमतिका साथ चयन हुने दाबी गरेका छन् । बुधबार महाधिवेशन जनपरिचालन अभिमुखीकरण कार्यक्रममा उनले महाधिवेशनमा कुनै प्यानल नबन्ने पनि बताए ।
‘हाम्रो नेतृत्व भनेको सहमतिका साथ निर्माण हुनेछ । हाम्रो महाधिवेशनमा प्यानल बन्ने छैन । प्यानल बनाएको लिस्ट बाँडिने छैन’, उनले भने । महासचिव पोखरेलले अब एमालेलाई र मुलुकलाई हाँक्ने खालको नेतृत्व आउनुपर्ने बताए ।
