६ जिल्ला बने कोरोनाका सक्रिय संक्रमित शून्य
काठमाडौं, ४ मंसिर । हाल देशका ६ वटा जिल्लाहरूमा कोरोनाका सक्रिय संक्रमितको संख्या शून्य छ । स्वास्थ्य तथा जनसंख्या मन्त्रालयका अनुसार हाल ओखलढुंगा, मनाङ, मुस्ताङ, हुम्ला, डोल्पा र जाजरकोटमा कोरोनाका सक्रिय संक्रमित छैनन् ।
यस्तै, काठमाडौं र ललितपुरमा ५०० जनाभन्दा बढी सक्रिय संक्रमित छन् । मोरङ, सुनसरी, झापा, भक्तपुर, कास्की, नवलपरासी पश्चिम, बाँके र कैलालीमा २०० भन्दा बढी सक्रिय संक्रमित छन् । नेपालमा पछिल्लो २४ घण्टामा २४२ जनामा कोरोना संक्रमण पुष्टि भएको छ ।
