३८५ मा कोरोना संक्रमण, २५८ जना निको, चारको मृत्यु
काठमाडौं, ६ मंसिर । नेपालमा पछिल्लो २४ घण्टामा ३८५ जनामा कोरोना भाइरस संक्रमण पुष्टि भएको छ । देशभर गरिएको ९,९२१ पीसीआर र २,७७६ जनाको एन्टीजेन परीक्षणका क्रममा ३८५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै कुल संक्रमितको संख्या ८ लाख १९ हजार ३८६ जना पुगेको छ । कुल संक्रमितमध्ये ७,२६९ जना सक्रिय संक्रमित छन् । गत २४ घण्टामा २५८ जना संक्रमित निको भएका छन् । योसँगै देशभर निको हुनेको संख्या ८ लाख १७ पुगेको छ ।
उक्त अवधिमा चार जना संक्रमितको मृत्यु भएको मन्त्रालयले जनाएको छ । हालसम्म कोरोना संक्रमणबाट मृत्यु हुनेको संख्या ११ हजार ५०० पुगेको छ । हाल ९८ जना क्वारेन्टाइनमा छन् । पछिल्लो २४ घण्टामा देशभर ७१ हजार ४८३ जनाले कोरोनाविरुद्धको खोप लगाएका छन् । हालसम्म नेपालमा ३० दशमलब १ प्रतिशतले पहिलो मात्रा र २६ दशमलब २ प्रतिशतले पूर्ण मात्रा खोप लगाइसकेका छन् ।
