कांग्रेस अधिवेशन : ६२ जिल्लामा नयाँ नेतृत्व, कहाँ कुन पक्ष बलियो ?
काठमाडौं, १५ मंसिर । सरकारको नेतृत्व गरिरहेको नेपाली काँग्रेसले ६२ जिल्लामा पार्टीको नयाँ नेतृत्व चयन गरेको छ । प्रदेश–१ का १४ जिल्ला र कर्णालीका १० जिल्लाका अधिवेशन सकिएको छ । प्रदेश–२ मा भने नेतृत्व चयन गर्न ८ जिल्लामै बाँकी छ । प्रदेश दुईमा महाधिवेशनपछि मात्र जिल्ला अधिवेशन हुनेछ ।
यस्तै बागमती प्रदेशमा चितवन, मकवानपुर र सिन्धुपाल्चोक जिल्ला अधिवेशन सम्पन्न भएको छैन । चितवनमा आज जिल्ला अधिवेशन गर्ने तालिका भएपनि निर्वाचन अधिकृतले राजीनामा दिएपछि अन्योलता सिर्जना भएको छ । मकवानपुर र सिन्धुपाल्चोकमा महाधिवेशनपछि मात्र जिल्ला अधिवेशन हुने नेपाली कांग्रेसले जनाएको छ ।
गण्डकीमा प्रदेशमा पनि नवलपरासी पूर्वको जिल्ला अधिवेशन हुन बाँकी छ भने लुम्बिनी प्रदेशमा बाँकेमा पनि जिल्ला अधिवेशन सम्पन्न हुन सकेको छैन । नवलपरासी पूर्व र बाँकेमा पनि महाधिवेशनपछि मात्र जिल्ला अधिवेशन हुनेछ ।
सुदूरपश्चिम प्रदेशका कैलाली र अछाममा पनि जिल्ला अधिवेशन रोकिएको छ । कैलाली र अछाममा महाधिवेशनपछि जिल्ला अधिवेशन गर्ने तयारी छ । जिल्ला अधिवेशन सम्पन्न नभएका १५ जिल्लामा महाधिवेशन प्रतिनिधि चयन भइरहेको अवस्था छ ।
प्रदेश–२ मा आज पनि महाधिवेशन प्रतिनिधिका लागि विभिन्न जिल्लामा चुनाव भइरहेको छ । भोलिबाट प्रदेश अधिवेशन शुरु हुने भएकाले १५ जिल्लाको अधिवेशन महाधिवेशन पछि हुने काँग्रेस निर्वाचन समितिले जनाएको छ । यता ६२ जिल्ला सभापति चयन हुँदा प्रदेश–१, बागमती, गण्डकी, कर्णाली र सुदूरपश्चिम सभापति शेरबहादुर देउवा पक्षको वर्चश्व देखिएको छ । लुम्बिनीमा वरिष्ठ नेता रामचन्द्र पौडेल पक्षको उपस्थिति बलियो छ । पौडेल पक्षको आधार क्षेत्र मानिएको प्रदेश–१ र गण्डकी प्रदेश अन्तर्गतका जिल्ला सभापतिमा देउवा पक्षले जबरजस्त उपस्थिति जनाएको छ ।
कोइराला परिवारको गण मानिएको प्रदेश एक र पौडेलको गृह प्रदेश गण्डकीमा देउवा पक्ष हाबी भएको छ । प्रदेश एक र गण्डकीमा नेता कृष्णप्रसाद सिटौला पक्षले पनि जिल्ला नेतृत्व हात पारेको छ । समग्रमा देउवा पक्षले ३३, पौडेल पक्षले २६ र सिटौला पक्षले २ जिल्ला सभापति जितेको छ ।
प्रदेश–२ का १३ औं महाधिवेशनमा देउवा पक्षले क्विलन स्विप पारेको थियो । यसपटक देउवा पक्षमा उपसभापति विमलेन्द्र निधिले विद्रोह गर्ने परिस्थिति देखिएकाले प्रदेश २ मा देउवा पक्षले केही चुनौती छ ।
देउवा पक्ष – प्रदेश-१
१. गजेन्द्र तुम्याहाङ – ताप्लेजुङ
२. रूपनारायण जबेगु – पाँचथर
३. तेजेन्द्र खनाल– ओखलढुङ्गा
४. डम्बर खड्का – इलाम
५. हिमाल कार्की – उदयपुर
६. दिनेश राई – धनकुटा
७. नाम्गेल जाङ्बु शेर्पा – सोलुखुम्बु
पौडेल पक्ष – प्रदेश-१
१ . दीपक खड्का– सङ्खुवासभा
२ .अर्जुनबहादुर तुम्बाहाम्फे – तेह्रथुम
३. विष्णु राई – खोटाङ
४. विनोद बान्तवा – भोजपुर
५. डिगबहादुर लिम्बू – मोरङ
६. केदार भण्डारी – सुनसरी
सिटौला पक्ष – प्रदेश-१
१. देउकुमार थेबे – झापा
देउवा पक्ष– बागमती प्रदेश
१. कान्छाराम तामाङ – रामेछाप
२. तीर्थ लामा – काभ्रेपलान्चोक
३. दुर्लभ थापा – भक्तपुर
४. जितेन्द्र श्रेष्ठ – ललितपुर
५. पेम्बाछिरिङ तामाङ – रसुवा
पौडेल पक्ष – बागमती प्रदेश
१. रमेश महत – नुवाकोट
२. बर्मा लामा – दोलखा
३ . कृष्ण बानियाँ ९सबुज० – काठमाडौं
४. रामनाथ अधिकारी – धादिङ
देउवा पक्ष – गण्डकी प्रदेश
१. किशोरदत्त बराल – कास्की
२. शङ्कर गुरुङ – मनाङ
३. खमवी गर्बुजा – म्याग्दी
४. डा. टकराज गुरुङ – लमजुङ
५. युवराज जोशी – पर्वत
६ .जीतप्रकाश आले – तनहुँ
पौडेल – गण्डकी प्रदेश
१. नन्दप्रसाद न्यौपाने – गोरखा
२. राजु थापा – स्याङ्जा
३. रोमी गौचन थकाली – मुस्ताङ
सिटौला – गण्डकी प्रदेश
१. जित शेरचन – बाग्लुङ
देउवा पक्ष – लुम्बिनी प्रदेश
१. रामकृष्ण खाँण – रुपन्देही
२. केशरमान रोका – रुकुमपूर्व
३. रुण प्रकाश सिंह राठौर – बर्दिया
पौडेल पक्ष – लुम्बिनी प्रदेश
१. हिमालदत्त श्रेष्ठ –पाल्पा
२. किशोर आचार्य – रोल्पा
३. विष्णुकुमार गिरी – प्यूठान
४. केशव श्रेष्ठ – अर्घाखाँची
५. शङ्कर डाँगी – दाङ
६. अब्दुलकलाम – कपिलबस्तु
७. खिलध्वजपन्थी – गुल्मी
८. अर्जुनकुमार पोखरेल – नवलपरासी पश्चिम
देउवा पक्ष – कर्णाली प्रदेश
१. मोहनविक्रम सिंह – हुम्ला
२. प्रेमप्रकाश ओली – रुकुम पश्चिम
३. वेदराज सिंह – जाजरकोट
४. ऐनबहादुर शाही – मुगु
४. केशबहादुर विष्ट – सल्यान
६. खड्क पोखरेल – सुर्खेत
७. दीपेन्द्रबहादुर शाही – डोल्पा
८. कर्णबहादुर शाही – जुम्ला
पौडेल पक्ष – कर्णाली प्रदेश
१.अम्मबहादुर शाही – कालिकोट
२. मणिराम रेग्मी – दैलेख
देउवा पक्ष – सुदूरपश्चिम प्रदेश
१. भीमबहादुर साउद – डडेलधुरा
२. खड्क बोहरा – बझाङ
३. नरेन्द्रबहादुर सिंह – डोटी
४. पदम बोगटी, कञ्चनपुर
पौडेल पक्ष– सुदूरपश्चिम प्रदेश
१. रामसिंह रावल – बाजुरा
२.चतुरबहादुर चन्द – बैतडी
३. ललितसिंह बोहरा – दार्चुला सभापति
