संसद् र न्यायपालिकाको समस्या समाधानका लागि सर्वदलीय बैठक बोलाइन्छ : सभामुख
काठमाडौं, १६ मंसिर । सभामुख अग्निप्रसाद सापकोटाले न्यायालयमा देखिएको समस्या समाधानका लागि नयाँ धारणा बनाएर अघि बढ्ने बताएका छन् । बिहीबार अन्तर व्यवस्थापिका संघ (आईपीयू) को १४३ औं सम्मेलनमा सहभागी भई स्वदेश फर्किएका सभामुख सापकोटाले यस्तो बताएका हुन् ।
संसद् र न्यायपालिकाको समस्या समाधान गर्नका लागि सर्वदलीय बैठक बोलाएर उपाय खोज्ने उनले बताए । सम्मेलनमा आफूले नेपालमा संविधान जारी भएपछिका उपलब्धिहरूका बारेमा जानकारी र लोकतान्त्रिक अभ्यासलाई जीवन्त र जनमुखी बनाउनुपर्ने विषयमा जोड दिएको बताए । अन्तर व्यवस्थापिका संघ (आईपीयू) को १४३औं सम्मेलनमा सहभागी हुन सभामुख सापकोटा यही मंसिर ८ गते स्पेनको म्याड्रिड गएका थिए ।