कमल थापा पक्षको भेला ‘याक एण्ड यति’ मा
काठमाडौं, १९ मंसिर । राष्ट्रिय प्रजातन्त्र पार्टी (राप्रपा) को चुनावी परिणामको समीक्षा गर्न कमल थापा पक्षको भेला दरवारमार्गस्थित याक एण्ड यति होटलमा शुरु भएको छ ।
राजेन्द्र लिङ्देनसँग अध्यक्षमा पराजित भएपछि थापासहित उनको टिमका नेताहरु निर्वाचन परिणाम समीक्षा गर्न याक एण्ड यतिमा भेला भएका हुन् ।
‘महाधिवेशनको समीक्षा गर्नका लागि याक एण्ड यतिमा सबै नेताहरु भेला हुनु भएको छ’, थापा पक्षका एक केन्द्रीय सदस्यले भने । राप्रपामा अध्यक्षसहित नयाँ कार्यसमिति निर्वाचनका लागि शनिबार मतदान भएको थियो । आइतबार बिहान सार्वजनिक मत परिणामअनुसार लिङ्देनले १,८१७ र थापाले १,६१७ मत प्राप्त गरेका छन् । त्यसैगरी पदाधिकारीमा भने थापा समूहको वर्चश्व रहेको छ ।
