कुपण्डोलमा आफ्नै कोठामा मृत भेटिएकी महिलाको श्रीमानले नै हत्या गरेको आशंका
काठमाडौं, २० मंसिर । ललितपुरको कुपण्डोलस्थित आफ्नै कोठामा मंसिर १६ गते मृत भेटिएकी महिलाको उनकै श्रीमानले हत्या गरेको आशंका गरिएको छ ।
३५ वर्षीया जानुका भुजेल आफ्नै कोठामा मृत अवस्थामा भेटिएकी थिइन् । जानुकाको हत्या आआरोपमा उनका श्रीमान ३५ वर्षीय एक्काराज भुजेललाई पक्राउ गरिएको ललितपुर प्रहरी परिसरका प्रवक्ता एसपी प्रज्वल महर्जनले जानकारी दिए ।
रामेछापको मन्थली नगरपालिका–१२ गेलु घर भएका उनीहरु ललितपुर महानगरपालिका–१० कुपण्डोलमा डेरा गरी बस्दै आएका थिए । अनुसन्धानका क्रममा एक्काराजले घाँटीमा कपडाले कसी हत्या गरेको खुलेको एसपी महर्जनले बताए । उनीविरुद्ध कर्तव्य ज्यान मुद्दामा थप अनुसन्धान भइरहेको महानगरीय प्रहरी परिसर ललितपुरले जनाएको छ ।