पौडेल पक्षले साझा उम्मेदवार टुंगो लगाउन सकेन, साँझामा फेरि बैठक बस्ने
काठमाडौं, २४ मंसिर । नेपाली कांग्रेस संस्थापन इतरको बैठक निष्कर्षबिहीन टुंगिएको छ । बैठक बेलुकी पुनः बस्ने छ । बरिष्ठ नेता रामचन्द्र पौडेलको निवासमा भएको छलफलमा साझा उम्मेदवार तय गर्न नसकेपछि बैठक पुनः बस्ने कांग्रेसका एक नेताले बताए ।
कांग्रेसको संस्थापनइतर समूहको बैठक सभापतिको साझा उम्मेदवार निर्क्योल गर्न पौडेल निवास बोहोराटारमा बसेको थियो । आकांक्षी बढि देखिएकाले दुवै समूहलाई उम्मेदवारको टुंगो लगाउन सकस भएको हो । देउवा समूहले पनि आजसम्म पदाधिकारीको टुंगो लगाउन सकेको छैन ।