नेपाल-भारतबीचको सबै समस्या संवादबाट हल गर्नुपर्छ : नेता वास्निक
काठमाडौं, २४ मंसिर । अखिल नेपाल भारतीय कंग्रेस कमिटीका नेता मुकुल वास्निकले आपसी वार्ताको माध्यमबाट नेपाल र भारतबीच भएको विवाद समाधान गनुपर्ने बताएका छन् ।
नेपाली कांग्रेसको १४औं महाधिवेशनमा शुभकामना सन्देश दिन भारतबाट आएका वास्निकले दुई देशबीच रहेका समस्याहरुको विषयमा वार्ता र संवादमार्फत समाधान गर्नुपर्ने बताए ।
उनले नेपाल र भारतबीच सामाजिक र सांस्कृतिक सम्बन्ध रहेको बताउँदै पार्टीकी अध्यक्ष सोनिया गान्धीले धेरै शुभकामना दिएको उल्लेख गरे । साथै उनले दिल्लीमा भइरहेको विधानसभाको निर्वाचनका कारण उहाँ उपस्थित हुन नसकेको पनि जानकारी दिए । नेता वास्निकले नेपाली कांग्रेसका साथै नेपालमा रहेका सम्पूणर् जनताप्रति शुभकामना र उज्जव भविष्यको कामना गरेका छन् ।
