यमनमा सैनिक कारबाहीमा परी १९० हुथी विद्रोहीको मृत्यु
काठमाडौं, २६ मंसिर । साउदी अरब नेतृत्वको गठबन्धन सेनाको कारबाहीमा परी यमनमा एक दिनमा १९० जनाको हुथी विद्रोहीको मृत्यु भएको छ ।
सैनिक टोलीले गरेको सुरक्षा कारबाहीका क्रममा पछिल्लो २४ घण्टामा उनीहरूको मृत्यु भएको सैन्य अधिकारीहरूले शनिबार जानकारी दिएका छन् । गठबन्धन सेनाले विभिन्न ठाउँमा हुथी विद्रोही विरुद्ध ३६ ओटा सैन्य कारबाही चलाएको थियो ।
सुरक्षा कारबाहीका क्रममा सेनाले २० सवारी साधनहरू पनि क्षतिग्रस्त भएको अधिकारीहरूले जनाएका छन् । यमनमा हुथी विद्रोही र गठबन्धन सेनाका बीचमा लामो समयदेखि युद्व चल्दै आएको छ । लामो युद्वका कारण ठुलो जनधनको क्षति भएको छ भने निरन्तर अशान्ति मच्चिदै आएको छ । सिन्ह्वा/रासस
