सिन्धुपाल्चोकमा जन्ती बस दुर्घटना : चालकको मृत्यु, आठ जना घाइते
सिन्धुपाल्चोक, २६ मंसिर । सिन्धुपाल्चोकको बलेफी गाउँपालिका-४ बिञ्जेलमा जन्ती बोकेको बस दुर्घटना हुँदा चालकको ज्यान गएको छ ।
बा २ ख ५६१४ नम्बरको बस दुर्घटना हुँदा चालक बलेफी-६ का राजु तामाङको ज्यान गएको जिल्ला प्रहरी कार्यालय सिन्धुपाल्चोकले जनाएको छ ।
गए राति ९ बजे भएको दुर्घटनामा आठ जना गम्भीर घाइते भएका छन् । घाइतेहरुको सिन्धु सदाबहार अस्पताल खाडीचौर र धुलिखेल अस्पतालमा उपचार भइरहेको छ ।