स्पेनिस ला लिगा फुटबल : रियल मड्रिडको सहज जित
काठमाडौं, २७ मंसिर । स्पेनिस ला लिगा फुटबलमा रियल मड्रिड विजयी भएको छ । गएराति घरेलु मैदानमा भएको खेलमा रियल मड्रिडले एथ्लेटिको मड्रिडलाई २-० गोल अन्तरले पराजित गरेको हो ।
रियलको जितमा खेलको १६ औं मिनेटमा करिम बेन्जिमाले गोल गरे भने मार्क्रो एसेन्सिओले खेलको ५७ औं मिनेटमा गोल गरे । जितसँगै शीर्ष स्थानमा रहेको रियल मड्रिडले ४२ अङ्क जोडेको छ । एथ्लेटिको मड्रिड भने २९ अङ्कका साथ चौथो स्थानमा छ ।
