कांग्रेस महाधिवेशनमा जम्मा ४६७९ मत खस्यो, ६४ प्रतिनिधि अनुपस्थित
काठमाडौं : नेपाली कांग्रेसको १४ औं महाधिवेशन अन्तरगत आज भएको मतदानमा कुल ४६७९ मत खसेको छ ।
यो महाधिवेशनका लागि चार हजार ७४३ प्रतिनिधि छनोट भएका थिए ।
यी मध्ये ६४ जना प्रतिनिधि अनुपस्थित रहेको निर्वाचन समितिका संयोजक गोपालकृष्ण घिमिरेले बताए ।
सभापति पदको राति नै राष्ट्रिय सभागृहमा सभापतिको मतगणना गर्ने तयारी भएको निर्वाचन समितिले जनाएको छ ।
नेपाली कांग्रेसको जारी १४औं महाधिवेशनअन्तर्गत सोमबार बिहान ११ बजेबाट सुरू मतदान अहिले राति साढे ११ बजे सकिएको हो ।
