ग्रिसमा गाडी दुर्घटनामा ज्यान गुमाएका चार नेपालीमध्ये एक जना कैलालीका
काठमाडौं । गत नोभेम्बर दोस्रो साता ग्रिसमा गाडी दुर्घटनामा परी ज्यान गुमाएका चार नेपालीमध्ये एक जनाको परिचय पत्ता लागेको छ ।
त्यहाँस्थित नेपाली राजदूतावासका अनुसार मृतक ४ मध्ये एक जना कैलालीको गौरीगंगा नगरपालिका-४ घर भएका ३७ वर्षीय लक्ष्मण सापकोटा हुन् ।
बाँकी ३ जनाको अझै पहिचान खुल्न सकेको छैन । उनीहरू गैरकानुनी रूपमा टर्कीबाट ग्रिस प्रवेश गर्ने क्रममा गाडी दुर्घटनामा परेका थिए । चिनिन बाँकी तीन मृतकको तस्बिर इन्टरपोलमा राखेर सार्वजनिक गरिएको दूतावासले जनाएको छ ।
