माछालाई दाना खुवाउन पोखरीमा पसेका व्यक्तिको डुबेर मृत्यु
सप्तरी । सप्तरीको राजबिराजमा माछालाई दाना खुवाउन पोखरी पसेका एक व्यक्तिको पानीमा डुबेर मृत्यु भएको छ । मृत्यु हुनेमा अग्निसाइर कृष्णसवरण गाउँपालिका-२ ईटहर्वाका ५२ वर्षीय बाबुनन्द चौधरी रहेका जिल्ला प्रहरी कार्यालय सप्तरीले जनाएको छ ।
आफ्नै माछापोखरीमा माछालाई दाना हाल्न गएका चौधरी घर नफर्केपछि आफन्तजनले खोज्ने क्रममा पोखरीमा तैरिरहेको अवस्थामा उनको शव फेला परेको हो । जिल्ला प्रहरी कार्यालय सप्तरीका प्रहरी नायव उपरीक्षक माधवप्रसाद काफ्लेले घटनाबारे थप अनुसन्धान अघि बढाइएको बताए ।
