कांग्रेस प्रदेश-२ को नेतृत्व चयनका लागि मतदान जारी, हालसम्म ७०० मत खस्यो
जनकपुर । नेपाली कांग्रेस प्रदेश-२ को नयाँ नेतृत्व चयनका लागि अहिले जनकपुरमा मतदान जारी छ । बिहान साढे नौ बजेदेखि शुरु भएको मतदानमा अहिलेसम्म करिब सात सय मत खसेको निर्वाचन अधिकृत विनयकुमार सिंहले जानकारी दिएका छन् ।
‘चारवटा बुथमा मतदान भइरहेको छ । प्रत्येक बुथमा अनुमानित १७५ का दरले सात सय मत खसेको छ,’ सिंहले भने । प्रदेश-२ मा जम्मा १,९२० प्रदेश अधिवेशन प्रतिनिधि रहेका छन् ।