बिग बास लिग : सन्दीपको टोलीको जित
काठमाडौं । बिग बास लिगअन्तर्गत शुक्रबार भएको खेलमा नेपालका लेगस्पिनर सन्दीप लामिछानेको टोलीले जित हात पारेको छ ।
लामिछानेको कुनै विकेट लिन नसके पनि होबार्ट हरिकेन्सले मेलवर्न स्टारमाथि २५ रनको जित हात पारेको हो ।
पहिला ब्याटिङ गरेको हरिकेन्सले निर्धारित २० ओभरमा ६ विकेट गुमाउँदै १८० रन बनाएको थियो । जवाफी ब्याटिङमा उत्रिएको मेलवर्नले भने नौ विकेट गुमाउँदै १५६ रन मात्र बनाउन सक्यो। सन्दीप लामिछानेले ४ ओभर बलिङ गर्दै ३२ रन खर्चिए । उनले ग्लेन म्याक्सवेलको क्याच पनि छाडेका थिए ।