भरुवा बन्दुकसहित दुई जना पक्राउ
पोखरा । पोखरामा भरुवा बन्दुकसहित दुई जना पक्राउ परेका छन् । पोखरा महानगरपालिका-३२ मजुवाबाट १ थान भरुवा बन्दुक सहित माच्छापुछ्रे गाउँपालिका-५का ३४ वर्षीय गणेश गुरुङसहित दुई जनालाई बिहीबार दिउँसो प्रहरीले पक्राउ गरेको छ ।
तनहुँबाट पोखरातर्फ जाँदै गरेको ग १३ प ८२०० नम्बरको मोटरसाइकल चेकजाँच गर्ने क्रममा मोटरसाइकलमा सवार गुरुङको झोलाभित्र बन्दुक फेला पारेको प्रहरीले जनाएको छ । प्रहरीले गुरूङ र मोटरसाइकल चालक समेतलाई पक्राउ गरी थप अनुसन्धान गरिरहेको छ ।