प्रचण्डको राजनीतिक प्रतिवेदन : अब ‘प्रचण्ड पथ’ ब्युँताइन्न


१२ पुष २०७८, सोमबार

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले शान्ति प्रक्रियामा आएसँगै कुनै छलफल बिनै ‘प्रचण्ड पथ’ स्थगित गर्नु कमजोरी भएको औंल्याएका छन् ।

पार्टीको आठौं महाधिवेशनमा प्रस्तुत राजनीतिक प्रतिवेदनमा अध्यक्ष प्रचण्डले केन्द्रीय भेला, केन्द्रीय समिति बैठक वा कुनै फोरमबाट ‘प्रचण्ड पथ’ स्थगित गरिनु कमजोरी भएको उल्लेख गरेका हुन् । उनले नयाँ राजनीतिक विचार विकासका लागि ‘प्रचण्ड पथ’ अनुभव र सन्दर्भ सामग्री बने पनि त्यसलाई नब्युँताइने बताएका छन् । पार्टीभित्र कतिपय नेताले अझै पनि ‘प्रचण्ड पथ’ सान्दर्भिक र ब्युँताउने बताइरहँदा दाहालले प्रतिवेदनमा यस्तो उल्लेख गरेका हुन् ।

सोमबार बिहान साढे ११ बजेबाट सुरु भएको बन्दसत्रमा अध्यक्ष प्रचण्डले ‘२१औं शताब्दीमा समाजवादको नेपाली बाटो’ शीर्षकको वैचारिक एवम् राजनीतिक दस्तावेज प्रस्तुत गरेका छन् ।

उक्त प्रतिवेदनमा समान विचार राख्ने वामपन्थी र लोकतन्त्रवादी शक्तिबीच संयुक्त मोर्चा बनाउने आगामी कार्यदिशा अपनाइने उल्लेख छ । वर्तमान संविधान विभिन्न आन्दोलनबाट प्राप्त उपलब्धिहरू जोगाउन पार्टीले विशेष भूमिका खेल्ने पनि उक्त प्रतिवेदनमा उल्लेख भएको महाधिवेशनमा सहभागी एक प्रतिनिधिले जानकारी दिए । ‘पार्टी इतिहासको संक्षिप्त चर्चा’ शीर्षकमा ‘इतिहासमा प्रचण्ड पथको योगदान’ काबारे चर्चा भएको छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु सिवा
  • सूचना विभाग दर्ता नं.
  • १८०२/२०७६-७७