प्रधान सेनापति र गणतन्त्र सिसेल्सका गैरआवासीय राजदूतबीच भेटवार्ता
काठमाडौं । प्रधान सेनापति प्रभुराम शर्मा र गणतन्त्र सिसेल्सका गैरआवासीय राजदूत थोमस सेलबी पिलेबीच जंगी अड्डामा शिष्टाचार भेटघाट भएको छ ।
प्रधान सेनापति शर्माको कार्यकक्षमा भएको उक्त भेटघाटमा दुई पक्षीय आपसी हित तथा पारस्परिक सम्बन्धका विषयमा छलफल भएको जंगी अड्डाले जनाएको छ । यस किसिमको भेटघाटले दुई देशबीचको आपसी सम्बन्ध सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको छ ।
