चर्च जान्छु भनेर घरबाट निस्केकी नीरमाया पाँच दिनदेखि बेपत्ता, मोवाइल पनि ‘अफ’
तनहुँ । तनहुँको म्याग्दे गाउँपालिका- ४ बडहरेकी ४० वर्षीया नीरमाया नेपाली पाँच दिनदेखि सम्पर्कविहीन छन् । यही पुस १० गतेदेखि घर छाडेर हिँडेकी नेपाली नभेटिएको उनको परिवारले जनाएको छ ।
चर्च जान्छु भनेर घरबाट हिंडेकी नेपाली नभेटिएपछि उनको परिवार चिन्तामा छन् । उनका श्रीमान् लक्ष्मणले श्रीमतीको केही पत्तो नलागेको जानकारी दिए । नीरमायाको मोबाइल समेत अफ रहेको उनले बताए ।
सम्पर्कविहीन भएपछि उनको खोजबिनका लागि प्रहरी चौकीमा जानकारी गराइएको छ । थर्पु प्रहरी चौकीका प्रहरी नायब निरीक्षक कृष्णबहादुर बानियाँले सम्पर्कविहीन नेपालीको खोजी भइरहेको बताए ।