काठमाडौं, २ चैत : प्रतिनिधिसभाको उपसभामुखमा नेकपा एमालेकी नेतृ डा. शिवमाया तुम्बाहाम्फे निर्वाचित भएकी छन् । उनले २०१ मत ल्याएकी छन् ।
उनको प्रतिष्पर्धी नेपाली कांग्रेसकी पुष्पा भुसालले ६१ मत प्राप्त गरेकी छन् । तुम्बाहाम्फेलाई उपसभामुखमा निर्वाचित गरियोस् भनि नेकपा माओवादी केन्द्रका देवप्रसाद गुरुङले प्रस्ताव प्रस्तुत गरेका थिए । गुरुङको प्रस्तावमा नेकपा एमालेका रवीन्द्रप्रसाद अधिकारी समर्थन गरेका थिए । भुसाललाई उपसभामुखमा निर्वाचित गरियोस् भनि नेपाली कांग्रेसका डिला संग्रौला (पन्त) ले प्रस्ताव प्रस्तुत गरेकी थिइन् ।