मिनिट्रक बुढीगण्डकीमा खस्दा चालकसहित दुई जनाको घटनास्थलमै गयो ज्यान
गोरखा । गोरखामा मिनिट्रक दुर्घटना हुँदा चालकसहित दुई जनाको घटनास्थलमै मृत्यु भएको छ । गोरखाको आरुघाटबाट माछाखोला जाँदै गरेको बा ५ ख ६५६६ नम्बरको मिनिट्रक शुक्रबार मध्यान्ह १२ बजेतिर बुढीगण्डकीमा खस्दा दुई जनाको मृत्यु भएको गोरखाका डीएसएपी प्रकाश दाहालले जानकारी दिए ।
मृत्यु हुनेमा चालक शिराचन नेपाल रहेका छन् भने अर्का एक जनाको मृतकको पहिचान हुन बाँकी रहेको प्रहरीले जनाएको छ । प्रहरी अनुसार मिनिट्रकमा ६ जना सवार थिए । घाइतेमध्ये आसमान गुरुङ गम्भीर घाइते भएकाले उपचारका लागि रिफर गरिएको छ । मिनिट्रक सडकबाट १०० मिटर तल खसेको छ ।