नवलपरासीमा १६ जनाबीच ‘ग्याङ फाइट’, एक जनाको गयो ज्यान
नवलपरासी । पश्चिम नवलपरासीको बर्दघाटमा १६ जनाबीच कुटाकुट हुँदा एक जनाको मृत्यु भएको छ । प्रहरीका अनुसार ग्याङ फाइटमा बर्दघाट नगरपालिका-२, सुखौराका २५ वर्षीय विशाल भनिने सूर्यबहादुर थापाको मृत्यु भएको हो ।
स्थानीय आम्बास बस्ने २१ वर्षीय तुलबहादुर घर्तीसहित १६ जनाबीच गत शुक्रबार साँझ झगडा तथा कुटपिट भएको हो । त्यस क्रममा टाउकोमा चोट लागि गम्भीर घाइते भएका थापाको भैरहवा मेडिकल कलेज रुपन्देहीमा उपचारका क्रममा मृत्यु भएको प्रहरीले जनाएको छ ।
घटनामा संलग्न १५ जनालाई इलाका प्रहरी कार्यालय (बर्दघाट) ले नियन्त्रणमा लिई अनुसन्धान गरिरहेको छ ।
