टी-२० विश्वकप छनोटका लागि नेपाली टोली घोषणा
काठमाडौं : नेपाल क्रिकेट संघ (क्यान) ले आईसीसी टी–२० विश्वकप छनोटका लागि १६ खेलाडीको नाम सार्वजनिक गरेको छ । नेपाल क्रिकेट संघ क्यानले बिहीबार सन्दीप लामिछानेको कप्तानीमा १६ सदस्यीय टोली घोषणा गरेको हो ।
ओमानमा आगामी फेब्रुअरी १५ देखि आयोजना हुने प्रतियोगिताका लागि क्यानले १६ जनाको अन्तिम सूची सार्वजनिक गरेको हो ।
यस पटक विवेक यादव र लोकेश बम पहिलो पल्ट राष्ट्रिय टोलीमा समावेश गरिएको छ । तर सोमपाल कामी, विनोद भण्डारी, रोहित पौडेल, सुशन भारी र विक्रम सोब भने टिममा अटाएनन् ।
नेपालले विश्वकप छनोटको समूह चरणमा ओमान, क्यानडा र बहराइनसँग प्रतिस्पर्धा गर्नेछ । यस पटक नेपालले नयाँ कप्तान सन्दीप लामिछानेको नेतृत्वमा प्रतिस्पर्धा गर्नेछ ।
यी हुन् छनोटमा परेका १६ खेलाडी
- सन्दीप लामिछाने -कप्तान
- कुशल भुर्तेल
- आसिफ शेख
- दीपेन्द्रसिंह ऐरी
- ज्ञानेन्द्र मल्ल
- शरद भेषावकर
- आरिफ शेख
- करण केसी
- जितेन्द्र मुखिया
- अविनाश बोहरा
- शहाब आलम
- कुशल मल्ल
- कमलसिंह ऐरी
- विवेक यादव
- प्रदीप ऐरी
- लोकेश बम
