बैंकमै भेटियो नक्कली नोट
संखुवासभा । संखुवासभाको मकालु गाउँपालिकास्थित सिद्धार्थ बैंकमा नक्कली नोट फेला परेको छ । स्थानीय नुम बजारमा रहेको सिद्धार्थ बैंकको शाखा कार्यालयमा नक्कली नोट फेला परेको हो ।
स्थानीय एक महिलाले जम्मा गर्न ल्याएको नगदको बिटोमा एक हजारको एउटा नक्कली नोट फेला परेको सिद्धार्थ बैंक नमु शाखाका सहायक प्रबन्धक दिलबहादुर विश्वकर्माले जानकारी दिए ।
‘नोटलाई कलर प्रिन्ट गरिएको छ । अन्य नोट भन्दा अलि सानो आकार भएकाले सजिलै पत्ता लाग्यो,’ विश्वकर्माले भने । नक्कली नोट फेला परेपछि प्रहरीले ती महिलालाई केन्द्रमा राखेर अुनसन्धान अघि बढाएको छ ।