मनाङलाई टाइब्रेकरमा हराउँदै एपीएफले पहिलोपल्ट जित्यो आहा रारा गोल्डकपको उपाधि
पोखरा । मनाङलाई टाइब्रेकरमा हराउँदै सशस्त्र प्रहरीको एपीएफ क्लबले पहिलोपल्ट आहा रारा गोल्डकपको उपाधि जितेको छ ।
पोखरा रंगशालामा भएको खेलमा पेनाल्टीमा मनाङलाई ५-४ गोलले हराउँदै एपीएफले पहिलो पटक आहा रारा गोल्डकपको उपाधि जितेको हो ।
यसअघि खेलको निर्धारित समयमा २-२ को बराबरी भएपछि खेल ३० मिनेटको अतिरिक्त समयमा पुगेको थियो । अतिरिक्त समयमा दुवै टोलीले गोल गर्न नसकेपछि खेल टाइब्रेकरमा पुगेको थियो । विजेता एपीएफले १० लाख १ हजार रुपैयाँ र दोस्रो भएको मनाङले ५ लाख १ हजार रुपैयाँ पुरस्कार पाएका छन् ।