टिपर दुर्घटना हुँदा चालकको घटनास्थलमै मृत्यु, सहचालक गम्भिर घाइते
धादिङ । पृथ्वी लोकमार्गअन्तर्गत धादिङको धुनिबेशी नगरपालिका-९, बीसकिलोमा टिपर दुर्घटना हुँदा चालकको घटनास्थलमै मृत्यु भएको छ । सहचालक घाइते छन् । धुनिबेशी-८, भदौरेका ३२ वर्षीय राजकुमार श्रेष्ठको मृत्यु भएको हो ।
काठमाडौंबाट खानीखोलातर्फ जाँदै गरेको बा ४ ख ११६२ नम्बरको टिपर आज बिहान करिब पौने ३ बजे अनियन्त्रित भई सडकबाट अन्दाजी २० मिटर तल खसेको थियो ।
घाइते भएका सहचालक काठमाडौंका २० वर्षीय सविन कुँवरलाई उपचारका लागि राष्ट्रिय ट्रमा सेन्टर काठमाडौं पठाइएको इलाका प्रहरी कार्यालय खानीखोलाले जानकारी दिएको छ ।