फुटबल टोलीका प्रशिक्षक अलमुताइरी प्रधानमन्त्रीबाट सम्मानित
काठमाडौं । नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरी सम्मानित भएका छन् । फुटबल टोलीलाई साफ च्याम्पियनसिपको फाइनलमा पुर्याए बापत प्रधानमन्त्री शेरबहादुर देउवाले उनलाई शुक्रबार सम्मान गरेका हुन् ।
गत असोजमा माल्दिभ्समा सम्पन्न साफ च्याम्पियनसिपमा उनको प्रशिक्षणमा नेपाली टोली फाइनलमा पुगेको थियो । सरकारले यसअघि नेपाली टोलीलाई सम्मानित गर्दा उनी देश बाहिर रहेका कारण आज सम्मान गरेको हो ।
पहिलो पटक साफ च्याम्पियनसिपको फाइनल पुगेको टोलीका २३ खेलाडीलाई जनही ५ लाख र ३ प्रशिक्षकलाई सरकारले जनही ३ लाख रुपैयाँ दिएको थियो । माल्दिभ्समा असोजमा सम्पन्न साफ च्याम्पियनसिपको फाइनलमा नेपाल भारतसँग ३-० ले पराजित भएको थियो ।
