नेदरल्याण्डमा भेटियो एचआईभीको नयाँ भेरिएन्ट, पहिलेको भन्दा खतरनाक रहेको दाबी


२२ माघ २०७८, शनिबार

काठमाडौं । नेदरल्याण्डमा एचआईभीको नयाँ भेरिएन्ट भेटिएको छ । नयाँ भेरिएन्ट भीबी पुरानो भन्दा निकै तीव्र गतिमा फैलने र शरीरको प्रतिरोधात्मक क्षमतालाई छिटै नोक्सान पुर्‍याउने भारतीय बेलायती सञ्चारमाध्यम डेलीमेलले जनाएको छ ।

नेदरल्याण्डमा मात्रै १०९ जनामा नयाँ भेरिएन्ट देखिएको छ । अक्सफोर्ड विश्वविद्यालयका शोधकर्ताले गरेको अध्ययनमा नेदरल्याण्डमा भेटिएको एचआईभीको नयाँ भेरिएन्ट निकै खतरनाक रहेको खबरमा उल्लेख छ ।

संक्रमितको रगतमा भाइरसको मात्रा पहिले भन्दा साढे तीनदेखि साढे पाँच प्रतिशतसम्म धेरै रहेको पाइएको र रोग प्रतिरोधात्मक क्षमता निकै गुमाएको पाइएको छ । तर उपचारपछि संक्रमितको अवस्थामा धेरै सुधार भइरहेको खबरमा उल्लेख छ ।

अक्सफोर्डका इपिडिमियोलोजिस्ट तथा अध्ययनको नेतृत्व गरेका क्रिस भायमेन्टले समाचार संस्था एएफपीलाई अन्तर्वार्ता दिँदै एचआईभीको नयाँ भेरिएन्टलाई लिएर धेरै चिन्तित हुनु नपर्ने बताएका छन् । एचआईभीको औषधि खान छाडेका र बृद्ध मानिसमा यसले छिटो असर गर्ने उनको भनाइ छ । नयाँ भेरिएन्ट सन् १९८० मा नै उत्पन्न भएर सन् २०१० देखि घट्दै गएको र अहिले फेरि देखिएको हुनुसक्ने जनस्वास्थ्य वैज्ञानिकहरुले अनुमान गरेका छन् ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७